ظاهره تعقد ياريت تدخل من فضلك

اذهب الى الأسفل

ظاهره تعقد ياريت تدخل من فضلك

مُساهمة من طرف eSSenator في الجمعة مايو 09, 2008 8:00 pm

السلام عليكم جميعا ده يعتبر أول موضوع أكتبه بنفسي في منتدي الموبايل وهو عن ظاهره غريبه جدا بس انتشرت دلوقت بطريقه رخمه شويه
وأكيد كلنا لاحظناها في أي مكان في الشارع في الجامعه بل دعوني أقول داخل المدرحات المخصصه للمحاضرات العلميه وداخل المعامل
في جميع وسائل المواصلات والمصيبه الكبيره والفاجعه الخطيره أن هذه الظاهره انتقات إلي دور العباده نعم انتقلت ألي الجوامع والكنائس
و - طبعاً كله دلوقت مشتاق يعرف ايه هي المصيبه دي - المصيبه هي ان انت كل ماتروح اي مكان من اللي انا ذكرتهم تلاقي كل واحد وخصوصا
الشباب ماسك الموبايل بتاعه وطبعا من أحدث الموديلات في السوق (( التلافون ابو كامرتين يعني )) وقاعد مشغله وبيسمع عليه أغنيه هابطه
ومعلي الصوت آخر حاجه لأ وكمان عامل ايده مجمع للصوت عشان الصوت يعلي ويعلي زياده طبعا الظاهره ةدي أكيد في ناس كتير منكم تتفق معايا انها
بتتكرر يوميا ادام عينك بس ياتري بتعمل ايه لأ ده ممكن تكون انت كمان اللي مشغل الأغنيه دي وقاعد بتسمعها ومعليها ع الاخر كمان
اما المصيبه الأكبر أنك تلاقي كل ده داخل المسجد أو الكنيسه يعني تلاقي الواحد في عز ما هو مندمج أوي في الصلاه وبيدور علي لحظه خشوع بس
يروح واحد رانن عليه أو علي اي حد من الباقيين اللي بيصلوا يضيع تركيز كل المصلين بل أنه ممكن يكون سبب في أن الامام يخطئ القرأه
تصور ده بقي يكون جزاءه ايه عند ربنا طبعا انت ممكن تقول وانا مالي هو اللي رن عليا يا أحي اقفل التليفون في وقت الصلاه محبكتش يعني
او تلاقي في عز ما الواحد مندمج اوي مع الدكتور في المحاضره وفي عز الشرح -- وكلنا بذات ما بنصدق نلاقي 5 دقائق نفهم فيهم
الدنيا ماشيه ازاي -- ومره واحده تلاقي هوب واحد رن عليك ضيع تركيز كل زملائك اللي في المحاضره وممكن يضيع تركيز الدكتور كمان
ويخرجه عن أعصابه -- خصوصا لو كانت الرنه يعني مش مظبوطه شويه -- ويلغي الدكتور المحاضره ولو عرفك يسحب كارنيهك
وطبعا أكيد كلنا شوفنا الموقف ده اتكرر ادامنا اكتر من مره طب تخيل لو في واحد من ال100 واحد الحاضرين عايز يفهم وحصل اللي حصل ده والدكتور لغي المحاضره تخيل هيبصلك ازاي بعد كده وانت هيبقي شكلك عامل ازاي وانت كنت السبب في ان المحاضره تتلغي
انا خلصت خلاص بس باقي حاجه واحده ان انا مش بقول كده عشان انا أفضلكم او خايف علي مصلحتي أكتر من أي حد منكم بس ده
مجرد رأي وانا حبيت أطلعه من جوايا وأتمني انكم توافقوني الرأي ده انه مش من الذوق انك تعمل كده صح ولا لأ


يارب يكون موضوعي عجبكم وأسف للإطاله
avatar
eSSenator
طالب ممتاز
طالب ممتاز

عدد الرسائل : 130
تاريخ التسجيل : 10/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ظاهره تعقد ياريت تدخل من فضلك

مُساهمة من طرف Ahmed في الجمعة مايو 09, 2008 11:32 pm

الموضوع جميل بس هيتم نقله للقسم المناسب


_________________
انتظر حتى يتم تحميل الفلاش واضغط بعدها بداية العرض وستستمتع كثيرا كثيرا كثيرا




http://s1.ae.gladiatus.com/game/c.php?uid=40414

ايميلى على الياهو : mansy2@yahoo.com
avatar
Ahmed
expert
expert

ذكر عدد الرسائل : 287
العمر : 30
تاريخ التسجيل : 04/03/2008

معاينة صفحة البيانات الشخصي للعضو http://www.petroscience.blogspot.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى