كارثة تحدث الان بين الشباب

استعرض الموضوع السابق استعرض الموضوع التالي اذهب الى الأسفل

كارثة تحدث الان بين الشباب

مُساهمة من طرف menam في الخميس مايو 01, 2008 2:05 pm

السلام عليكم

الموضوع اللي هاتكلم فيه النهارده يا اعضاء منتدانا الكرام يمكن يكون مهم جدا لبعض ناس ويمكن يكون مهم بس مش اوي لناس تانيين ويمكن يكون مالوش لازمه عند الناس اللي مكبره دماغها (الروشه)
الموضوع بيتعلق بالموباايلات المحموله الممذوده بكاميرا (تصوير وفيديو) والمتاح لها نقل المعلومات اما بما يسمي بالبلوتوث او خاصيه اخري


الموضوع ده بيتكلم عن الاستخدام السي للاجهزه دي
يعني البنت تكون واقفه في امان الله ييجي واحد من الشباب يصورها بوضع معين ويمكن البنت دي مش واخده بالها (فرضا للافضل ) ويمكن هي واقفه كده او قاعده كده بمزاجها
وبعد الصوره دي يتم تداول الصوره بشكل سريع اسرع من الصاروخ بين الشباب



ويتم توزيع الصور فتكبر تكبر تكبر ويمكن في وقت ما توصل الصوره للبنت نفسها او لاي حد من اهلها


وغالبا بتكون الصور دي مصوره بعنايه فائقه ومركزه علي اشياء معينه (!!) لضمان سرعه النشر
ومعظم البنات دول بجد بيكون بنات ناس ومحترمات ومش واخدين بالهم
يعني في مول تجاري مثلا او في الشارع او كده
السؤال هنا يا جماعه

هل انت موافق علي هذه التصرفات الصادره من الشباب؟

ماتقييمك لهذه الظاهره المتفشيه بين الشباب بصوره منقطعه النظير؟
الجزء التاني بيتعلق بالتسجيلات الصوتيه علي هذه الاجهزه
شاب يسجل لبنت او شاب يسجل لشاب مكالمه ما ويتم الضغط عليه بالتسجيلات دي

وللاسف والله بجد للاسف

بيكون فيه تسجيلات من بنات في منتهي الانحلال وبنات مش شباب
وبتلاقيها عند صاحب محل اتصالات علي جهازه بينزلهم للناس
ومنهم مجموعه بنات بيغنو اغنيه معروفه بس مغيرين الكلمات لالفاظ قمه في الانحدار والتسيب
اهم شيء اشير له في هذا الموضوع
هل تقبل ان تكون رجل اعمال صاحب استثمارات كبيره جدا في عالم السيئات؟
اذا قمت بارسال صوره ما او مقطع ما صوتي كان وا خلافه لاي من الشباب فبذلك تكون فتحت لك حساب سيئات كل ما اي شخص يرسل او يستلم الصور دي بتاخذ سيئات عليها
اللهم اني قد بلغت اللهم فاشهد
السؤال هنا
ما هي اسباب هذه الحاله الموحله التي سقط فيها شبابنا؟
ماهي اقتراحاتك للحد من هذه المشكله ؟
ماتخيلك لو سقطت (لاقدر الله ) في فخ من هذه المشكلات؟

يرجي الرد علي الاسئله بوضوح بعيدا عن الدبلوماسيه


[/center]

اللى عايز الدنيا ياخدها
راجل سقى كلب دخل الجنه
امرة عذبت قطه دخلت النار
ما بالك من يعذب البشر ويجوعهم



_________________
يبكى الأنسان عندما يولد ويضحك الباقين
ويضحك الأنسان عندم يموت ويبكى الباقين


فإن موتوا فاكتبوا مات قبل أن يولد

************************************************************************
لاتعتمد على الصديق فهو غادر ولا الحبيب فهو نادر ولاكن اعتمد على الله فهو قادر
avatar
menam
مشرف
مشرف

ذكر عدد الرسائل : 419
العمر : 27
العمل/الترفيه : القراءة والانترنت
تاريخ التسجيل : 09/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كارثة تحدث الان بين الشباب

مُساهمة من طرف محمد عبد الباسط في الخميس مايو 01, 2008 6:00 pm

موضوعك جامد يا منعم و مهم جدا

بس ايه الي بايدك تعمله

خليني ارد علي اسالتك بصراحه

ما هي اسباب هذه الحاله الموحله التي سقط فيها شبابنا؟

بص حبيبي السبب بكل صراحه انتشار التكنولوجيا المتقدمه اوي بين ايدي الشباب بسرعه و بمنتهي السهوله واغلب الشباب معندهمش وعي علمي عن التكنولوجيا الي معاهم ده و ايه مضارها و منافعها و بيستخدمها من غير اي قيود + طبعا البعد الوازع الديني و بعدنا عن ربنا

ماهي اقتراحاتك للحد من هذه المشكله ؟
ان الشباب يعني ميمسكوش موبايلات حديثه و هم سنهم صغير + الاول نربي عندهم الوعي عن التكنولوجيا ده ده بالنسبه للصغار

اما الكبار فا علي قد ما نقدر نحاول نحذر الباقي سواء شباب او بنات عشان ميقعوش في المشكله ده و الشباب يقربوا من ربنا و يعنفوا ان ده حرام
ماتخيلك لو سقطت (لاقدر الله ) في فخ من هذه المشكلات؟

زي ما بيقولوا الوقايه خير من العلاج

فا و الله لو انا حذر و عارف عواقب التكنولوجيا ده و منافعها هبقي اعرف اتعامل مع الناس بحرص و وعي + اني لازم كون واثق من الي بعمله و متاكد انه صح عشان محدش يحطني في موقف ابتزاز (زي المكالمات المسجله )

اما اذا انا مش حذر او واعي للي حوليا
فا استاهل اني اخد علي دماغي و استاهل الي يجرالي
Very Happy

شكرا يا منعم و اسف علي الاطاله
avatar
محمد عبد الباسط
مشرف
مشرف

ذكر عدد الرسائل : 140
العمر : 28
الموقع : الي عايزني هيلقيني ...فمحدش له حجه
العمل/الترفيه : طالب في علوم و بدور علي عروسه
تاريخ التسجيل : 07/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى