العربببببببببببببببببببببببببب

الله أكبرعليكم شعر/ سمير الأمير

( إلى العرب المغرمين بالتفاوض)

يا مغلوبين بالعمى والجهل

والكدب راية وسيف ف سجن العقل

مانتوش غلابه

كتير عددكم زى الفيران ف الخرابه

كفرت بيكم زهقت من ضعفكم

ريقكم بيجرى على إزازة الكوكاكولا

أول ما يضرب مدفع الأسطول

هوه اللى مات فى رام الله مش منكم؟

هوه اللى مات ف العراق ما ماتش بإديكم؟

الله أكبر عليكم

الله أكبر عليكم شيوخ عرب أعراب

داست شرفكم أمريكا وسففتكوا التراب

وقعدتكم جميعاً على العُكاز

ولسه برضه السلام استراتيجى

والدم أرخص عندكم م الجاز؟