9 ايام فى الجامعة

من طرف nosa في الجمعة ماي 09, 2008 2:10 pm

منقول وهذا للعلم فقط

اليوم الاول : يوم محاضرة العميد

يا اتنين اهلا و تلاتة سهلا و خمسة ازاى صحتكم ......... النهاردة 18\5\2007 حسب ساعات دق الوقت بانجلترا و فى مثل هذا اليوم ولد اعظم
شخصيةعرفها العصر الحديث وهو انا مازن
و بمناسبة هذا الحدث الخالد انا هابدأ احكيلكم تسع ايام انا بعتبرها من اهم الايام اللى قضيتها فى جامعتنا العزيزه......... يللا بينا

*******************************************
ترررررررررررررررررن ترررررررررررررررررررررررررررررررررررررررررن

هاه ! .... مين ! .... فين ! ....ليه ! .... امتى ! .... شوط يا جبان !
اكتشفت فجأة ان ده صوت المنبه الرخم بتاعى و انى كنت بهلوس كالمعتاد كل ما صحيت من النوم ........ قمت غسلت وشى و صليت الصبح و فطرت اى حاجة خفيفة كدة و قررت فجأة انى البس علشان انزل اروح الكلية

وقفت استنيت القطار لغاية ما جه ركبت و وصلت بسرعة رهيبة كالمعتاد يعنى متأخر عن الفترة الاولى حوالى نص ساعة
ماااااااااااااااااااااازن
يااااااااااااااااااااااااااااااااااااااااااااااااا ااااااا مااااااااااااااااااااااااااااااااااااااااااااااااا زن
فجأة اصبح مازن مطلب قومى ........ ببص على صاحب النداء و انا مفزوع اكتشفت انه الواد ابن شميت

ريو : صباح الفل يا مازن
انا : صباح الجمال يا ريو
ريو : عندك ايه دلوقتى
انا: و النبى يا ابنى ماعرف هاروح ابص ف الجدول

و بعد بحث مكثف و بعناية فائقة اكتشفت انى ماعنديش حاجة الاولى

انا : معنديش حاجة يا ريو بس عندى محاضرة electronics الفترة التانية
ريو : طيب تعالى نشرب حاجة فى الكافتريا
انا : قشطة يا مان

الكافتريا

انا : امال فين ابو سوسو و عبد الرحمن
ريو : ابو سوسو عنده محاضرة و عبود لسة ماجاش و شكله مش جاى
انا : هو مين ده اللى مش جاى
ريو : عبد الرحمن
انا : عبد الرحمن مين لا مؤاخذة
ريو : اصحى يا مازن
انا : اااااه خلاص افتكرت

شوية و جه ابو سوسو و على وشه علامات الهم و الحزن و الاكتئاب
انا : مالك يا سوسو ...... تاخد حتة شيبسى ؟؟؟
حسام : يا مازن انت همك على الاكل على طول
انا : اه شكلك كدة حد ضربك قولى مين ده و ادى رنة للهلال الاحمر
حسام : محدش ضربنى ده احنا كان عندنا محاضرة و اللى ادهالنا العميد
ريو : طيب و دى فيها ايه ؟
انا : اصبر بس يا ريو علشان الموضوع شكله جامد
ريو : طيب هاخلع انا و اروح اجيب عبد الرحمن من اول الشارع و ارجعلكم ......... سلام
انا : مالك يا سوسو ...... ايه حكاية جدول الضرب اللى راسمه على وشك ده
حسام : انت مش عندك المحاضرة دى الفترة الجاية هاتدخل و تعرف

دخل عبد الرحمن

عبود : صباح الفل
انا : و انت طيب
حسام : ازيك يا هوك
عبود : مالكم زى اللى بطايقكم ضاعت منكم
انا : اسيبكم تحكوا علشان ادخل المحاضرة

فى طريقى الى المحاضرة
ماااااااااااااااااااااااازن
يااااااااااااااااااااااااااااا ماااااااااااااااااااااااااااااااازن

الله يحرقكم هو الواحد ما يعرفش يمشى شوية فى هدوء

انا : عايز ايه يا عبد الرحمن
عبود : هو ابو سوسو ماله
انا : هو انا مش سايبك معاه يحكيلك
عبود : اصله قال يا هوك و بعد كدة اغمن عليه
انا : احكيلك بقه بعد المحاضرة .... سلاااااااااااام

المحاضرة

دخل العميد المحاضرة ووشه الله اكبر شبه المهندس اللى بييجى فى الفقرة الزراعية بتاعت برنامج صباح الخير يا جمهورية
العميد : صباح الخير يا جماعة ....... النهاردة هانبدأ الجزء بتاعى من المنهج و ده هايبقى غير الجزء بتاع دكتور عبد العزيز طبعا ........ هااااااااا هااااااااااااا

ثم بدات المحاضرة و منذ بداية العام الدراسى و احنا بندرس فى المنهج بتاع المادة دى ان التيار اللى بيمر فى حاجة اسمها الجين Ig بيساوى صفر ....... عافية كدة ....... و لكن العميد قرر انه يفسرهالنا .......... عافية برضه

العمد : احنا بنقول دائما نا ال Ig بتساوى صفر لان التيار اللى بيمر فى الدرين Id مش بيعدى على الجين ........ مثلا انت لما بتنزل من البيت هل لازم تعدى على كل الناس الل ساكنة معاك ؟؟ لا طبعا ..... و ده ليه لان احنا فى بيوتنا مالناش مواعيد متظمة فى الخروج و الدخول ف مش لازم نتقابل كلنا لما نيجى ننزل ......... ممكن بابا ما يكونش موجود او ماما عند خالتك او اخواتك فى الدرس ......... و ده يبين قد ايه ظاهرة الدروس الخصوصية انتشرت مما ادى الى ( بوظان ) التعليم عندنا و الطلبة ما تهتمش بالمدرسة لانها ضامنة ان المدرس الخصوصى فه البركة كلها و تهتم بالكليبات و العرى و تنسى الثقافة و دى حرب بيشنها علينا الغرب و اعوانه و خصوصا اسرائيل

المحضرة خلصت ........ و اللى كان بيتكلم ده مشى ......... ابص انا حواليا فى زهول تام حواليا على الناس الاقى اللى علق مشنقة و انتحر و واحد تانى طلع مسدس و ضرب نفسه بالنار و واحدة قلعت طرحتها و خرجت تلطم و تصوت و واحد طلع بيقول خضرا يا ملوخية

العيال اتجننت ........... اللى انا استفدته من المحاضرة انى عرفت ابو سوسو اغمى عليه من ايه

و بكدة يا اصدقائى طلعت اسرائيل السبب ان احنا بنعتبر Ig تساوى صفر

و لا حول و لا قوة الا بالله

من طرف **ahmedsamir** في السبت ماي 10, 2008 1:33 am

لو عندك الشجاعه تكتب اسمك
ابقى اكتب ردود غير كده مش عايز اقرا اسمك

من طرف doomedo في السبت ماي 10, 2008 1:34 am

بس ردوده كلها منطقية

من طرف **ahmedsamir** في السبت ماي 10, 2008 1:35 am

لا ردوده كلها عدائيه

من طرف doomedo في السبت ماي 10, 2008 1:37 am

لا مش عدائية ولا حاجة طب بزمتك ده موضوع حلو

من طرف **ahmedsamir** في السبت ماي 10, 2008 1:42 am

nosa كتب:

المحضرة خلصت ........ و اللى كان بيتكلم ده مشى ......... ابص انا حواليا فى زهول تام حواليا على الناس الاقى اللى علق مشنقة و انتحر و واحد تانى طلع مسدس و ضرب نفسه بالنار و واحدة قلعت طرحتها و خرجت تلطم و تصوت و واحد طلع بيقول خضرا يا ملوخية

و لا حول و لا قوة الا بالله [/size]

بيفكرنى بمحاضره الرياضه نيومريكال