اضحك و ماتخدش نفس

من طرف gaberation في الثلاثاء ماي 06, 2008 12:48 am

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."

واحد مسطول اتصل بشركة الطيران بيسأل الموظفة: الطيارة من هنا لأمريكا تاخد اد اية؟. قالتلة: ثانية واحدة قالها: شكرا وقفل السكة

جماعه قاعدين فى غرزه فالبوليس هجم عليهم وكان معاهم عيل صغير فدخل الظابط وحب يستظرف شويه فبيسأل الواد الصغير"و الشمام الصغير اسمه اييييييه؟" قاله"كانتلوب"

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟

مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

قرد ماشى فى الغابه فقابله النمر فراح ضربه على قفاه و قاله انت مش لابس الطاقيه فالقرد استعجب وقاله طاقية ايه يا عم..؟ النمر قاله ماليش دعوه..يا تلبس الطاقية يا كل يوم من ده ...وسابة...!

تانى يوم النمر قابل القرد راح ضربه على قفاه وقاله ... انت مش لابس الطاقيه ليه..؟ قاله.. طاقية ايه يا عم انا مليش فى الطواقي ... النمر قاله ... مليش دعوه يا تلبس الطاقيه يا كل يوم من ده

القرد راح طالع على الاسد ... وقاله ... يا ملك الغابه النمر كل لما يشوفنى يدينى على قفايه ويقولى انت مش لابس الطاقيه ليه .... ؟ وانا مليش فى الطواقى بصراحه ..وده مايرضيكش يا ملك ولا علشان انا ماليش ظهر فى الغابه ... قاله ... روح انت يا قرد و انا هشوف الموضوع .... وتم استدعاء النمر ...

ايه يا نمر ؟ مالك و مال القرد ؟ النمر : انت عارف يا ملك الغابه الواحد ماشى وايده بتاكله ومش لاقى حد يضربه وبصراحه مفيش هفأ فى الغابه غير القرد الاسد : ياعم اتلككله قل له هات لى بلحه من النخله دى .... لو جبهالك نيه قل له ماجبتهاش مستويه ليه .. واديله على قفاه... والعكس .. النمر : ماشى يا عم الاسد وراح النمر للقرد ... النمر : روح هات لى بلحه من النخله دى ...! القرد: عايزها نيه ولا مستويه ... ؟! راح النمر لبه على قفاه وقال له انت مش لابس الطاقيه ليه ....